نِعْم بو خالد وحاش المدح كلّه
ونِعْم بو خالد ويَا نِعْم المعاني
عاش يِسْلَم ولد زايد في مَحلّه
بالفرح والعز وسعود الزمانِ
والمطر والخير سحابه يهلّه
وعاصمة بوظبي ورد وزعفرانِ
ويا بنات الحي غنّن وارقصن لّه
رقص يوم العيد والاّ المهرجانِ
وِلْعِبن واتبسّمن له واضحكن له
بالفرح والسعد وايّام التهاني
ويا نشاما سجّلوها فِيْ المجلّه
فِيْ مجلّات الفجر والاّ البيانِ
والسّموحه كاني الّا قلت زلّه
يسمح الطّيب عدد عشر وثمانِ