لما هويته هوت
من قلبي أغياره
حبيته مش للطمع
في جنته وداره
ولا خوف من اللي وعد
بعذابه أو ناره
جيت أكره اللي ظلم
منعتني أنوار ه
لما جافاني الحبيب
أنا قلت: دي ذنوبي
أوبي يا نفس ارجعي
عن زلتك توبي
جرّبت كل التياب
من شرقي لجنوبي
ما لقيتش يستر بدن
غير تقوتي توبي
أحمد محمد نبي
نفحة من الرحمن
شمس وقمر يختفوا
لما ضياه بيبان
سألوا: وايش خُلقه؟
قالت: ده كان قرآن
قرآن مشي ف وسطنا
على هيئة الإنسان!