يا مغترب اعزف ل بِيد التعب تنبَت رياحين
اصدح أغاني حِدا.. تسلاه رحلتْك المملّة
ارحل وأبد لا تبالي تنتهي بك غربتك وين
دامك رضيت اغترابك قدّره ظرفك وجِلّه
والعمْر رحلة شقا عيّا الأمل يهديك توطين
حاول تدلّ الفكر.. والدرب حاول ما تضلّه
إنسان عمرك متاهة والأماني ركب مقفين
تلبس جهاتك ضلالٍ يلبِس الزيف الأدلة
وأحبابك اللي غدوا ذكرى حنين وْدمعة سْنين
هبّت رياح الحزن.. والفرح بجذوره تتلّه
هذي لياليك سهْد وهمٍّ يْخيّم.. وبعدين؟
تمضي سنينك سُدى والهم ما يبرح محله