راحت وأنا أدري ما هي بقد المراح
يبغى يغربلها الوادع اللي حصل
ويبغى يهب الشوق وتهب الرياح
الين ما يجتاحها خوف وجل
وشلون نبغى نسج ونذوق انشراح
وظروفنا قشرا ونيتنا وصل
ودون المواصل نار وسيوف ورماح
وأنا لو تنادي على موتي عجل
من بعدها فاقد شعور الارتياح
ماكن بالأرض الوسيعة لي محل
مكسور خاطر ايه ومكسور الجناح
ولا عاد عندي غير طاريها شغل
اليا بغيت اسج عادتني الجراح
الين قو الباس من عزمي رحل
وش ذنبنا لا صار ما بيدنا سلاح
غير القناعة بالفراق اللي حصل