سمعت أخبار عنّك..
من شْفاه البشر والنار
لقيت بعزّ حزنك..
رفيق الدرب والمشوار
حبيبٍ حقق أحلامك
وشفت الخير قدّامك
وقال اللي مضى كلّه..
عوافي فدوة أقدامك
لقيت اللي قدر يرضيك
عطاك وما قدرت أعطيك
وصرت من الفرح تبكي..
وأنا لليوم حيل أبكيك
رفيق الدرب والمشوار
من شْفاه البشر والنار
فرحت الصدق لأجلك
ولا ودّي تواسيني
ابلقى "شخص مثلك"..
يكمّل باقي سْنيني
كلامٍ في الملا قلته
ولا أدري كيف أنا قلته!
أبي يتغيّر الموضوع..
حبيبي ما تحمّلته!
وأنادي في خفى قلبي..
ألا يا ربّ يا قادر
تسامحني على كذبي..
وتجبر كسرة الخاطر
رفيق الدرب والمشوار
من شْفاه البشر والنار