حرصت إن العلاقة بيننا تبعد عن الخذلان
ولكّن القلوب المبغضة وشلون أداويها
مادامك ناسين فضل الليال الماضية يا فلان
تمتع بالليال الحاضرة وتشوف تاليها
تحسب أن الليالي خيرها دايم وفيها أمان
يبي ياتي ما يزعج خاطرك ويحوس صافيها
ترا رد الجميل انكف عنه من يجهل الإحسان
وش يعلم ردي الطبع بالشيمة وطاريها
مع الأيام ياضح فرق عشرتنا لكم ويبان
وبعد ما شفت ضحكات العرب بتشوف خافيها
أنا الرابح وأنا الي عارف إنك مبطي الخسران
لو إني بالبداية مكرم العشرة وشاريها
صدود العايف القانع ما هو بيشابه الزعلان
نفوس العايفين تموت ما تقدر تراضيها
وأنا قدمت ما قدمت ماني ضايق وندمان
ولا عندي عقوبة للأوادم غير أخليها