ما غادر الشعار أطلال ورجوم
ما بين رسم وبين دمن ورواسي
وأنا أدري إن الناس معطى ومحروم
وان اكثر العربان ماهي سواسي
وأنا أدري إن الوقت له حيل وعزوم
وفي شدة الأيام ما مال راسي
وتدوم يا راسي على عزك تدوم
دايم على العليا يأخذك الحماسي
ومن عزتك دايم عن الذلة تشوم
ورثت عز النفس من طيب ساسي
والكلمة اللي داخلي دايم تعوم
أرسيتها بالصمت والاحتباسي
ولاني بقايل لو قسى الوقت مهموم
بخفي بوسط الصدر مما أقاسي
وترا الشجاع أحيان يعود مهزوم
ويمكن حكيم العقل جاه التباسي
وترا الصقر بالجو لو يكثر الحوم
لمن نزل للأرض ما جاء يواسي
شروا عنود(ن) لأقبلت كنها القوم
وسلاحها نظرة عيون(ن) نعاسي
صادت خفوقي ولا لحقها من اللوم
مثقال ذره والخفوق متناسي
صارت بكوم وكل هالخلق في كوم
مثل الذهب والعالمين النحاسي
ولو كان لي حق ترا صار مهضوم
لو كنت ارد القوم من قو باسي
وأنا أدري إني في شقى الحب ملزوم
غصبن علي أعيش طعم المأسي
مدام كلن في عنى الحب مظلوم
ولحد(ن) ببحر الحب يلقى مراسي
والعاشق اللي لو تعافى ضحى يوم
من بعد عافيته يجيه انتكاسي
ونرجع مثل ما كان لأطلال ورسوم
ما غادر الشعار بكم خراسي