أنا ما توقعت انهزم من عيون الغيد
قبل رحلتي عبر الخطوط السعوديه
يا ويلك لو انك شفت ما شفت يا بو زيد
تبا تصير سفراتك بعد شفت جويه
لقيت الظبي فالجو وانا مسافر صيد
لديره بها الغزلان ماهي بمرعيه
عنوداً هدبها ممتلئ من خيال وكيد
يجيب القدر من عينها أمواج سحريه
اثر فالنساء فرديه اوصاف تلعا جيد
مثل ما تكون بهجمة الوضح فرديه
تصب الحلا في الكبد وتوزعه وتزيد
وتحيل الحياة بروعة الحب ورديه
ما حس الشعور بداخلي كود ليلة عيد
بوسط احتفال الناس والعاب ناريه
انا وين انا رائح وويني ووين الفيد
ابرجع من المقناص لا ذي ولا ذيه
وانا عقب ها الرحلة مقاطع دروب البيد
وتبا تكون رحلاتي قبل شبه يوميه
وسلامي على توبه سلامي على الصنديد
بعد ما ضعف قدام ليلى الأخيليه