بنتقي لك أجمل أوصافك درر
وأطلق إحساسي على شعر ووتر
وأسبق اللحظة إلى الموعد وأقول
كل عامٍ يا قمر وأنتي قمر
تذْكري ليلة لقانا، تْذكري؟
قلت فيها يْحقّ لك تتكبري
أنتِ وردة عطّرَت كل الفصول
كل لحظة في عيوني تكبري
يا ما شلتيني من الهم العتيق
يا ما كنتي لي عن الضيقة طريق
ويوم أسافر في خيالاتي أجول
فيها طيفك كان لي نِعْم الرفيق
هلّت الدمعة على جور الزمان
ومْسحَتها يدّك بْلطف وحنان
رغم هذا، استمرت بالنزول
تشتكي، ليتك مسحتيني زمان!
يا عسى جرح العواذل ما يطيب
حبنا يا بنت شمسٍ ما تغيب
أنتِ عمري لو يقول اللي يقول
توأمة روحي وأنا أسعد حبيب