كانت احلامه كبيره

كانت احلامه كبيره ..

وقصته جداً قصيرة

وبين حلمه .. و انتظاره

شب زقاره !

راح بأفكاره بعيد

وصارت ايامه تعيد

وينتظرها ؟

هو أنا مريت باله ؟

قال احبك .. او ما قاله ؟

ما يهم

كان يبحث عن سؤاله

ليه ما يرسل رسالة ؟

وقرر يبادر ..

وطفى الزقارة !

واعتدل في قعدته

الهوى .. ذي لعبته

ورغم ان الجو بارد ..

والتجمد صار وارد

حس بحرارة و ارتباك !!

متهم صاحب قضية ..

استجمع القوة الخفية

وش يعني لو سألته ؟

واعترف باللي فعلته ؟

انا قررت اعترف لك

ايه احبك .. وش يضرك ؟

يا انت لي .. يا انا لك

وانت بيدينك قرارك

كل هذا في خياله ..

وما تجرأ في سؤاله ..

بس قرر !

شب الزقارة ..

ايه .. مو هذا قراره !

وكان صادق في اختياره

خلص الباكيت الاول

كان في سطح العمارة ..

ثم حوّل ..

يعترف انه يحبه ..

موب حيّ الله قرار !!

و استجمع القوة الخفية

ولملم اوراق القضية

ثم قرر ..

بكتب الفصل الأخير

وبعترف انك مصير

وش يعني ما عرفتك ؟

صح من يومين ضفتك ..

بس أحبك !

اسمعيني بس لحظة ..

من اخذ قلبك يا حظه ..

واسمعي حكمة زماني ..

اللي منها كنت اعاني ..

قصة الحب الاخيرة ..

دايم مثيرة !

اببساطه ..

هذا اللي بقوله

وبشجاعة .. واببطولة

من يظن حضرة جنابه ؟

ما يهم

عض شفته نابه

وقام يتفقد سنابه

وما لقاها ..

وانتهى الفصل الاخير !