كل كلمة قولتهالي
لما شوفتك
كل ضحكة ضحكتها لي
لما قابلتك
كلها كانت بداية
والنهاية إني عشقتك
شوفت الليالي اتزينت
حب بكلامك
شوفت الغصون اتميلت
رقص لغرامك
شوفت الزهور اتفتحت
فرح بوصالك
شوفت الطيور ع الشجر
هايمة في ساعة سحر
قايمة تغني للحياة
صاحية تعلم في البشر
إزاي يكون بينهم وفا
وإزاي يحسوا بالدفا
طول ما الحبيب
جنب الحبيب
طول مالقلوب فيها الصفا
تعرف لما عيونك جاتني
للأحلام على طول وخادتني
شفت معاهم جنة حبك
عشت أنا فيها وقولت ياريتني
قولت ياريتني قابلتك بدري
كنت احبك كده من بدري
كنت أعيش لك بس لوحدك
مانت سمايا وليلي وفجري
وآدي حكايتي معاك ياحياتي
منها الفرحة وابتسماتي
وآدي الحب اللي ايدتهولي
جنة وعايشة أنا فيها ليلاتي