هوه احنا مش برضه حبايب
وانا قلبي في هواكم دايب
إيه اللي غير أحوالكم
دا انا ليا ف قلوبكم نايب
والا عشان قلبي معاكم
ترخوا تشدوا على هواكم
هيه المحبة كده برضه
بصراحة محتار وياكم
ليه تزعَّلوا قلبي الطيب
فيه هوه حاجة بتتعيب
وفيها ايه طيبته معاكم
والا يكون منكو قريب؟؟
ياللي هواكم سهرني
وغيابكو عني محيرني
لو تسألوا مرة عليا
دا سؤالكو عني يصبرني
ياللي هواكم خلَّاني
ازاي أكون انسان تاني
ايه اللي كان مني اتغير
خلاَّ قلوبكم تنساني؟؟
ياللي هواكم نساني
ان الزمان راح ينساني
ليه بس غيرتوا الفكره
وافراحي صبحت أحزاني
وأنا مهما اشوف منكو آسيَّة
أو تغرسوا الشوك ف إيديا
قلبي الكبير يتحملكم
ماانتوا ورود غاليه عليا