حسيت بيا تعالى جاوبني
وقوللي انا حاسس باللي ف قلبِِك
كده ياعنيا ليه تعاندني
دانا حبيتك اكتر منك
والا اكمنك غالي عليا
شايف انك افضل مني
وتخليني أعد نجومي
لما تغيب أو تبعد عني
كده ترضالي انك تظلمني
وانا من قلبي بحب الخير
وانت الخير اللي اتمنيته
مهما ان غبت وروحت ياطير
مهما صحيت وسهرت ليالي
بابقى سهرت بافكر فيك
وابقى باشوفك طيف ف خيالي
وكل منايا اعيش لياليك
قلبك عندي امانه ياغالي
قول ياعنيا أيه يكفيك
أيه خلاك بتسيبني ف حالي
وانا مخلوقة لوحدك ليك
شوف ياحبيبي الشوق ف عنيا
قايم يصحى ينادي عليك
اسمع همسه جاي مع نسمة
ح ابعتهالك لجل احييك
لما تجيلك القاك جايني
وحاسس بيا وباللي ف قلبي
تبقى ياروحي كده بتسعدني
وخد من حبي اللي ح يرضيك