هيه حكاية حبنا
مالهاش نهاية
وانت ياروحي اللي بديتها
من البداية
وانت اللي خليت الهوى
يسكن في قلبي
وانت اللي خليت للحياه
معنى وحكاية
كل يوم باستنظرك توفي بوعودك
كل يوم بس اسألك إمته رجوعك
كل يوم باشتاق لكلمة من كلامك
كل يوم باستنى إمته تقيد شموعك
والا كان حبك معايا شيء غريب
أو ح تنسى اللي حصل وتقول نصيب
أنا لسه فاكره أحلى كلمة قولتهالي
يوم ماقلت ان الوصال أصبح قريب
وفضلت أحلم يوم ماشوفك بتناديني
اقول ساعتها ياحياتي ياضي عيني
أنا تحت أمرك يوم ماتيجي وتوافيني
أنا كلي ملكك والهوى بينك وبيني
جاوب سؤالي وقوللي إيه آخر الرواية
بتقول كلام واقول كلام إيه الحكاية
لازم نعرف بعضنا آخرة طريقنا
لازم نخللي لحبنا أحلى نهاية