يمكن أصدق لو قلتولي
حبيبي مسافر
يمكن أصدق لو قلتولي
حبيبي مهاجر
بس لايمكن ح اقدر أصدق
لو قلتولي
إنه حيقدر ينسى العشره
وهوه هناك
برضه لايمكن ح اقدر أصدق
لو قلتولي
إنه حيقدر يعشق تاني
وينسى هواك
ريحوا بالكم مش راح اصدق
وانسوا كلامكم تاني عليه
مش حاسمعكم مهما تقولوا
طول مانا حاسة باللي انا فيه
لو جيبتولي الف دليل
وحلفتولي الف يمين
مش اصدقكم وهاكدبكم
تعرفوا ليه
لو قولتلكم وشرحتلكم
يسوا لي ايه
قلبه معايا وهوه منايا
وهوه حياتي وضي العين
هوه العين اللي بشوف بيها
هوه حياتي اللي بعيش فيها
هوه الفرح اللي مهنيني
هوه الحضن اللي مدفيني
هوه البدر اللي ف لياليا
هوه العمر وهوه سنيني
وان كان غايب عني بصورته
روحه معايا
قلبي تماللي بيجيب سيرته
وحبه كفايه
حتى حبيبي ماخلا في قلبي
مكان لحكاية
ريحوا بالكم مش حاسمعكم
مهما ان قولتوا وعدتوا عليه
مش حاسمعكم مهما تقولوا
طول مانا حاسة باللي انا فيه
هوه العين اللي بشوف بيها
هوه حياتي اللي بعيش فيها
هوه الفرح اللي مهنيني
هوه الحضن اللي مدفيني
هوه البدر اللي ف لياليا
هوه العمر وهوه سنيني