كثر فالحمد وزيد فالشكر لملا يسها ولا ينام خالق لبريا
مهما كادو لعدا صحراءنا رجعت للوطان
نكينا جميع الحساد ما فادتهوم فينا معاندا والحاجة مقضيا
عانقنا فالصحرا خوتنا خدناهوم بلحضان
مهما كذبوا مهما تقولوا لابد الحق يبان للقلوب المهد يا
كن شمس فعنان السما تنظرها لعيان
دوك لي قطعوا رحامنا ولاراعاواحق جورتنا ما فادتهوم حميا
وهل يا ترى تفيد حمية كيد الشيطان
حنا حبينا بلادنا وحب الاوطان من الايمان من دون خفيا
رجانا فلكريم يختم لينا بحسن الايمان
الصحرا رجعت للاوطان
عانقنا ترابها بلكفوف وبلعين
زارها نعم السلطان
واجب الحمد ادى زين الزين
قرت بها لعيان
وتنجمع شملنا بعد البين
كانت مسيرة للعز والنصر العالم بيها دوى صبحا وعشيا
مسيرة خضرا لاشهد مثيلها زمان
مسيرة قرءانية يا لي نظر ولولادو وحفادو روى كرامة حسنيا
ربانية تحقيق الهام من الرحمان
ضمت البادية مع لحضررجالها ونسوانها سوا بمشيا ادميا
بنظام وانتظام طاعة لامر السلطان
ومناين بلغنا لمرام وقفت المسيرة فخطوة ولحدود الوهميا
تم زالت ورجع لمغرب للوطان
رجعت الصحرا للمغرب
نال شعبنا كمال المرغوب
صلنا رحام لقريب ولحبيب
ورجع لينا الحق المسلوب
وملكنا زمامها ولغريب
شد رحالو وهو مغلوب
شمرنا على ساعد الجد نعمر ونشيدو بلادنا درنا لمزيا
ودركنا بلعزم ما فات من ايام الاسبان
حققنا بعزيمة وفخر باش يذكرونا ولادنا صبي وصبيا
بنايات وطرقان ومساجد حافلة بالقرآن
ليه الحمد رغاد عيشنا وارتفع فلعلالي علامنا انما الاديا
من صغا للذي غواه لاعز درك ولا شان
دارلراسو فاش خاد وعلاش عمل يا ترى عمل علخطيا
ولدي ما لو دراع غير ما يطوالو اللسان
يا مفرقين لجموع حرام
يكفى شمنا تشتات يا قوم
يكفى ما حال بامة لسلام
لحروب حرها من حر السموم
حنا قوم وتفرقنا اقوام
من سعد الشيطان ينال المقسوم
اولد الصحرا نقولك كلمة تحقيق صدق ايلا تصغا ليا
عمرامة لسلام ما تجمعت على خدلان
ايلا حرتي فشاين همك استفتي قلبك وسبق حسن النيا
ما كاين ما اصدق من شوفة لعيان
بادرعود لبلادك وجاري ناسك لاتصغى لحاقدالقوم المعميا
امرنا شورى وخير وتحقيق الامان
ياك طاعة الله والرسول والبيعةشرع وحق لصبط خير البريا
وانت طعتي الله والرسول بلمبايعة للسلطان
هذا قولي لقبايل الصحرا صغتو قصيد وهديتو لهوم هديا
فيلالة خصيت بالذكر ناس قوافي واوزان
بيهوم فخرت لاين لاسم فيلالي ما سعدني بها تسميا
وفاس الموطن دليل ارتباط الاصل بلغصان
والصلا والسلام للهادي شفيعنا طه ضيا عينيا
وكداك الو وصحابوما حلت ورحلت الركبان