لي يدعي القوة يموت بالضعف
ولي دفع شي سكة يرجع ليه الصرف
الدم بالدم والسن بالسن شرع وعرف
واختار وقتك ونختار الظرف
ايلا قوتك نفعتك اليوم
قوتي اليوم فضعفي
وايلا تظن الجور يدوم
جور فصرفك ووفي
قول ارهاب او انتحار قول عنف
تتالم بحالي وتامل تعيش
وانا نتالم وعيشي فالشهادة
وكيف يهنى لي واهن هشيش
يسرق هذا ويقتل فهذا
وصيفتو ونعتو الموت بالخوف
حالف لا خليتك تدوق طعم نعاس
ونقريك الشي لي ما قريتي
وخا تغطيك الدنيا ويحرسوك الناس
نخويك البيت لي ما شريتي ما كريتي
ها اناوانت اليوم فالساحة
تعريتي ولا شغلك مكشوف
الارض ارضي ما تلقى فيها راحة
ما يقول شريف غير لي هو متلوف
عند بالك القوة تحميك ديما
لمأصل فالأرض ما يتقلع بريح
مردك ترجع تاني للهيمة
يعلا صرحك حتى يعلا تاليه يطيح
ولي ما عندو بارود يعمر بلحجر لكفوف
شاع امرك مابقا ماتكذب وتتخبى
ريحتك عطات والدم المسفوح فضاح
ايلا مارباتك هذالحصلة عمرك ما تتربى
ومحال تتربى باللسون لفصاح
ولي ما يشوف نعاس لونو مخطوف