جمالك هذا جمال خطير
فزين البشر ماشي عادي
سمعت عليه وخطيت التقدير
وهادي ما ظنيتها يا سيادي
جيت نعبر وخاني التعبير
وما عرفتشي راسي فين غادي
زينك هذا ما شفت لو مثال
من حقك تبيع سلعتك عفر
لله غير شنو خليتي للغزال
بالنخوة والظرافة والسر
سحرتيني وسحرك حلال
وحبك فقلبي كل يوم يكبر
شكيت غرامك لصحابي
ضحكو وقالو سير اوا سير
وبقيت نصرف مكتابي
وربي على كلشي قدير
يمكن تعطيني خو صوابي
داك الساع بلا جناح نطير