شَفْتْ شْوِيفَة فْعَيْنِيكْ
طَرَحْتْ بَالشُّوفَة سُؤَالْ
قُلْتْ كْلِيمَة مَنِّي لِيكْ
بْغِيتْ نَعْرَفْ عَلاَشْ عَوَّالْ
لْقِيتْ مَنْ قَالْ بِيَّا وَلاَّ بِيكْ
وْمَنْ عْيُونِي دْخُلْ لَدْوَاخَلْ الْبَالْ
قَالُوا مَلْعِينْ تَعْرَفْ مَكْنُونْ لْقَلْبْ
قُلْتْ فْبَالِي أَرَا نْسُوَّلْ سُؤَالْ
يَمْكَنْ نَعْرَفْ اخْبَارْ الْحُبّْ
وَخَّا ويْقِصْنِي لَهْبَالْ
لْقِيتْ دَرْبْ يَطْلَقْ فْدَرْبْ
دَّاخْلُو مَا يَخْرُجْ مَنُّو مُحَالْ
لْقِيتْ فَالنَّظْرَة تَحَدِّي
وَسْيُوفْ كُلّْ سِيفْ مَنّْهَا قَتَّالْ
مَغْنَاطِيسْ يْقُولْ أَجِي عَنْدِي
غِيرْ زْعَمْ رَاكْ تْفُوزْ وَتْنَالْ
ايْلاَ جِيتي جَابَكْ سَعْدِي
وَايْلاَ مْنَعْتِي انت وَلْدْ لَحْلاَلْ