أهل الشعر وصفوا جرح الهوى بانصاف
ولا حدن وصف جرح البين فاوصافه
حكوا وقالوا عن شوق العشاق ولولاف
ولا حدن حكى عن شوق ولف ما شافه
وصفوا جرح سهام الرمش وفعل الاشواف
وانا الي جاه جرح قلبه من اشوافه
شفتو عجب من كاملن فطبعه والاوصاف
والعجب انني ما خابر شي من اوصافه
غير انه مليحن ابنظرة وارد الاضياف
الي يغض طرفه ولا يتعدي حد اطرافه
اجي اتكلم اجرحه بكلامي يا ناس
اسكت يشب لهيب افداتي بسكاتي
اشرب مراره علقم كاس ورا كاس
لو جيت احلي ابقولي كاسه اسمم ذاتي
ولو جيت اعاتبه القاه تاج فوق الراس
اظلمه ظلمن بعتابي وبحرقة وناتي
اصبر روحي ابقولة لا باس لا باس
لو تعوضني افليل السهاد مناجاتي
شلون اهنا بغيره وهو فصدري الانفاس
وشلون اسلاه وهو موتي وحياتي
كنت غريب عنه بعيد ف اوطاني
صرت قريب منه ومو قريب منه
كنت حرن تاسر حلاوة الساني
صرت سجين هواه ورضيت سجنه
زمان كان حبيبي قولي واوزاني
كرهت قولي ولوزان صارت الي لعنة
ما احتملت ان القول مثلي يعاني
وش ذنب القول وش ذنب الي يفقد فنه
لو كل الناس عشقوا وكانوا فمكاني
لو عشق الجليد عشقي صار مية سخنة
يظهر اني صرت قيس وقتي وزماني
وصارت هي بعشقي عبلة وليلى ولبنة
لا يخطر على باله لحظة يقول انساني
لا يظن لحظة ولا يصدق فالنسيان ظنه