تعبت ياسيدالحبايب ومليت
وانت السبب يامتلف الروح يازين
ليلي سهر واشواق قلب وتناهيت
همت بغلاك وصرت مثل المجانين
ماشوف غيرك كل ماقبلت واقفيت
أسمك ورسمك دون كل المحبين
عزالله انك بالخفوق أستقريت
وحطيت في قلبي رسوم ونياشين
حتى الهوا لو مربك قلت ياليت
اني ذرا جسمك عن النود والعين
خايف من اشرار البشر يوم صديت
ادراك من نظرت هل الزيف والشين
وجدي عليكم كل مصبحت وامسيت
وجد السجين الي سجن من هل الدين
حارب منامه ساهر الليل مايبيت
مطلوب دين ولامهلوه الديايين