هذه صدى لصوت صديقي
د.احمد الهلالي
اهواك ياموتري فيك اعشق المستحل
واعشق دروب الخطر والبيد وهضابها
جكسار ابيض جديد ٍ توه آخر مديل
يطوي مسافات بعد ٍ توحش اذيابها
مكفول من مصدر عبد اللطيف الجميل
عساه في جنة الفردوس يهنابها
على دليل الخريطه مايبي له دليل
اسهول كانت والاجبال يرقابها
ادريوله حزت الأزمات باعه طويل
يسلك دروب الخطر ماهمه اصعابها
يابو محمد ترى صوتك وصلني بليل
وجيتك على الي وراها يعصف اترابها
ابشر بعزك حزامك لاتبرا العميل
بالمال ولابحد السيف تحضابها
نجيبها طيب ولا بحد سيف ٍ صقيل
حتى عيونك تقر بشوف غيابها
في ليلة ٍ مارجا فيها خليل ٍ خليل
بأذن الولي مانععود اديارنا الابها
ياسامي الجد يارعي المقام الجليل
مواقفك بالشدايد ماحد ٍ جابها
لوناحن النايحات وكثر ٍ العويل
الناس لازم يغيرحزنها أطرابها
كان الدراهم تخبيها كفوف البخيل
ماسرفيها القريب ولا تهنابها
ياراعي الباس وقت الجد حامي الدخيل
لاضاع شور الرجال ودنة ارقابها
الراي عندك ولا تاخذ لرايك بديل
انت الحكيم وحكمها وعارف اسبابها