مانيب اعاني دامها ما تعاني
هالمترفه من حبها ينسى الاحزان
بنتٍ بريئه تستفز الثواني
في عقرب الساعه وهو فوق جدران
بنتٍ سوالفها تغيظ الأغاني
كلامها لا سولفت كنه الحان
لو تقدر تجيب المجرّه عشاني
كان القمر والشمس في كفي الآن
لا سولفت لي سولفت عن حناني
وعن حبها اللي كله جنان ب جنان
على أريكتها تعيش الأماني
تحلم بها لو تجلس بكل تحنان
وعن المخده فْراشها صار اناني
يغيظها وتغيظه ب شعر واوجان
الله عليها نومها شكل ثاني
الحلم لا نامت تشوفه بالالوان
والى صحت من نومها عاد ماني
قايل لكم خطواتها تشطب ازمان
تضحك وانا مدري ويضحك زماني
تميل يتمايل لها قلب وانسان
تضيق وادري بضيقها ويغشاني
ضيقه ولو ترضى رضا خاطري بان
أصلاً رضاها ينسكب في كياني
وتميل له في داخلي كل الاغصان
والى شعرت انه بلحظه رواني
اصب شعري في فناجيل الاوزان
واكتب على كف الزمن كيف اعاني
وهالمترفه تنسف من القلب الاحزان