سكة واحدة
دنيا غريبة
دنيا تمللي بتضحك لينا
وبتغرينا
وبفساتين حلوه بتلبسها بتعرينا
ما يغركش جمال شفايفها
ولا سحر الورد على خدودها
ولا شمس بترسم ضحكتها فوق اسنانها
فوق شفايفها النار بتلهلب
وعلى الخد سلوك بتكهرب
وسنانها البيضا البراقه
بتنهش فينا
يللا يا صاحبي نحاذر منها
واوعك يوم تغريك مفاتنها
قدامك فيه أوسع سكه
مش محتاجه لدوشه ودبكه
سكة ربك قوم وامشيها
وساعتها هتنجح خطاوينا
لما نكون للحق سعينا