البعض جاه مناه بارد مبرّد
وأنا آتعنّى مير ما من نتيجه
ما قلت بيتي منتظر للعرب ردّ
طبع الفتى للخلق ما اللّه يحيجه
وياللي من ثياب الوفا ما تجرّد
الرب ما يخذل دعاوي حجيجه
أعيش ضيم الواقع ولا آتشرّد
ومظطر أصير لحظي أكبر وليجه
دام الذبول فحقل وردي تفرّد
ما أرتاح لين الورد يعبق أريجه
نسجت دنيا للأمل لين غرّد
في واقعٍ يصعب عليّه نسيجه
دامي خليج.. الحظ بحرٍ تمرّد
كيف البحر..ينكر سواحل خليجه