يمكن تهوّر صاحبك قلب وشعور
يمشي يطيح يقوم همّه رحيقك
لكن يموت ولا يمثّل ولا دور
ولاَ يمشي بخلسه ويقطع طريقك
قلبه حقيقه تكرة الذلّ والزور
وحبّه هدوء ولا توقّع زعيقك
شفتك كما نورٍ نشا وسْط بلّور
وأغراني بعتم المسافه بريقك
قلت آتقدّم وأحيي سنيني البور
وأقتل جليدي في قبَس من حريقك
وبكل الذي أملك من احساس مذخور
جازفت ليني فالمحبّه غريقك
آسف.. ولَو ماني من الحب معذور
يا حمل قلبٍ بالجفى ما يطيقك
بأرحل به اللي من سبايبْك مأسور
وان شفته اصلاً ينبلج فيك ضيقك
كنت آتعنّز فيك يا قلب مشكور
وأقول ما به بالهوى ما يعيقك
ناظر حديدك من لظى الشوق مصهور
وعقب اتّساعك.. بان مجرى مضيقك