ياموطن الاصفاد مامر طاري
على بدون اللآ هويه يعيشون!!!!!!
الي بنو من حلمهم حلم عاري
تذريه هبات القسى هم وغبون
لا ياصديقي وين رد اعتباري
لا صار موطن غربتي ماله عيون
لا قلت ضيفي ضيق والهم جاري
بالله وين الي علينا يحسون..!
يومن نصيح بصوت حقٍ يماري
نلقى بدون المصطلح فيه يحكون
نامت عيون افراحنا من دياري..
بدون ماذاقوا سوا هم مركون!!!
يشرب هماج التايهين بمداري
طفلٍ نسج حلمه وجيله يخطون؟
ويومه كتب ياموطني جيت شاري
باعه رخيص وقلّده جرح وطعون
الى متى يبهر كثير انبهاري..!
وانا عليه اقول بكرا يشوفون..؟
عُذرآ اقدّم من شعور اعتذاري
اللا هويه في بلادي مُصانون
بالفقر والتعتير والانتحاري!!
اللا هويه في بلادي يموتون
ياموطن الاصفاد مامر طاري
على بدون اللا هويه يعيشون