المشاعر في خفوقي نابته
من وصالك يوم قلبي مرتويه..
هذا أول يوم كنتي ثابته
في رزين القول صدقي محتويه
انتظرتك والمشاعر كابته
كل عرقٍ لا صدح.. تتجاهليه..
قلبي اللي عين حبك صابته
قلبي اللي يعشقك لو تكرهيه..
قلبي اللي حلم روحك جابته
وسط جوفي يوم كنتي تسكنيه
عاشقك كل العذارى هابته
في وفاه اليوم.. ب عيونك نزيه
مقدمٍ طيبه.. موارث لابته
ضيغميٍ.. والمعالي.. تهتويه..
شمريٍ.. أزهرت.. رحابته
بالوفاء مالك في.. عينه شبيه..
المهايب فيك.. طال مهابته
معتليٍ بك.. ي الغلا.. لا تتركيه
سينك اللي.. بيّنت إجابته
في شموخ اللي بروحك تعشقيه
الوصل شحت علي سحابته
م أنمهر ديم اللقى لو أرتجيه..
كني.. المطلوب.. ياطلابته
بين فرقى وبين غربه وبين تيه
قلبي اللي.. مالقى طرابته
يوم أنا اصدح صدقيني صدقيه
عوّدي له والمشاعر.. نابته
رزع حبك.. ب الحشا لا تقتليه