ما زاح هم ولا رحل يوم ذكراه
وجهٍ يجيني في منامي مسيّر
وجهٍ حلى هالكون فيه يتحلّاه
وجهٍ يشابه في شبابه بشيّر
يا هم قلبي كل ما جبت طرياه
للحين حالي من سببه متغيّر
روّح بتال اتوام شهورآ مسماه
قبل رمضان وقبل حزة قصيّر
ب أول من الغرّا تقفت مطاياه
الطيّب اللي عند الاجواد خيّر
اليا تطريته غصب أكتم الاه
أسلي وأنا اذكر لي وغيدً صغيّر
وغيدً يساليني يبي شوف لقياه
ماكني إلا منه دوم متحيّر
لا والذي من صلصل الطين سواه
ما همني نقاد وإلا معيّر
ببكيه لين الحال يزداد برياه
مالذت عن حزنه ولاني متذيّر