ما على هجرك غياب ولا ملام
هاك ودك خوذ كل اللي تبي
من خسرتك شوفني ماني تمام
ضايعٍ كلي... وكلك مطلبي
شوف جرحك والغدر والاحتدام
وسمت بي كنها لون ندبي
كان ياما كان في صدري كلام
أجدبت دنياي وانضب عذبي
لا تقول الليل ما يغري الهيام
والطواري تسبي الخافق سبي
من مرار الهجر طيرت الحمام
سرب دمعي جفف أغصان هدبي
اذكرك والليل وأشواق الغرام
ونوتة العاشق... على أوتار طربي
ذابت أحلامي على خلوة ظلام
اشرب الأمرار... من... كاس عنبي
هاذي آمالي غدت ليّه حُطام
وسط جوفي... نارها... تال حطبي
أجمع أحزاني على عمري ركام
من يشتت حزن روحي وغضبي
ما على هجرك ملام ولا سلام
انتهينا... قبل... شرهات... عتبي