تفاصيل اللقى حايل تسريني على الأقدار
أشوف أزوال لا مرت تذكرني ب زول أمي
من وسيطاء على وقت العصر لامرني ثم صار
تضيع أقدامي العجلة وأنا للشوف مهتمي
من التسعين وأقسى من زمانً زاد بي امرار
على روحي تعابيرآ طرت لا قلت له سمي
يحن القلب وأفكارا تودي للبعيد صغار
تعوشب بي حنينً صار من الأشواق ملتمي
هلا يمه هلا روحي أنا من موتتك منهار
أشوف (أشباه في عيني) تبلل منّها كمي
ثمان سنين واللهفة تعيشني على التذكار
تفاصيلي طواريّك تجي لا زاد بي همي
تجي من وين ماهيمك تلاقيني ولدك البار
تعابير الغلا شيله وعطرآ فاح في فمّي
أنا الذابل وسط جمله حوتها من قديم أسرار
أنا كل القصيد اللي غرس طفلته في دمي
أنا إحساس متهاوي نسى لا يهدي الجلنار
يخاف يفوح به جرحه من الأحزان يشتمي
ابطوي سيرة الهايم معاني والجروح كثار
شبعت الجوع لكني أجوع إن قلت وين أمي