أهجرني أرجوك ارحل واترك اوطاني
معاد ابي منك بالهامك تسليني
ولايوجعك لوم نفسك حين هجراني
لاتلفت واترك ادموعي وسط عيني
وارجوك تاخذ معك ياسبة احزاني
عمر الحنين ابشعوري يامعنيني
وذكراك خذهامعك ياعمرها الفاني
اخاف منها بعد غيبتك تفنيني
يكفيني اشواق يكفي منك حرماني
يكفي مع الخوف تربك لي موازيني
يمكن بعدك الهموم الي تبلاني
تنزاح عني وترجع بسمة اسنيني
يمكن تخف الجروح ونزف شرياني
وادموع عيني تجف ولاتبكيني
مادمت دايم تقول انك علي جاني
وانك من الجرح ماتقدر تداويني
وانا اقتنعت ابكلامك وانت برهاني
مير الحقيقه تبين بينك وبيني
صحيح لو اطلب الهجران بالساني
ماطاعني قلبي الي فيك مشقيني
زاد ألتياعي سببك وشوق وجداني
مات الفرح واهتدى الضيق لعناويني
ودخلت في غربتي واقفلت بيباني
وصار الفرح والهنا دايم مجافيني
ياكيف روحك رضت ياكيف تجفاني
وانته حبيبي ولاغيرك يواسيني
ياكم خذاني لدربك همس واحياني
ولوقلت احبك تغذي لي شراييني
خلاص خلك بجنبي لا تعداني
يانور كوني سراج القرب يضويني
هجرك عذابي تعبت وشوقي اضناني
وكثر احتياجي وضعفي نار تكويني
خيرتك اختار قربي او تناساني
وقرارك الي رضيته فيّ يرضيني