عزّيل قلبٍ هايفْ
من لي ما له مثيلْ
سِيد الخود العفايف
لي وصله مستحيل
حمّلني مِ الكلايف
همٍّ يْبِتّ الحيل
واصبحْت زادي عايف
طايح كنّي جتيل
على الرمول مْسايف
ما يرحمني: عليل
يا مطلوق الزلايف
يا مِسْمَرّ اليديل
لو شَيْ حق ونصايف
يردّ لي بيعيل
ما بَدُّوس العنايف
في اللّي لفاك دخيل
كله شِعْرِك ترايف
وانا شِعْري عليل
يوم انته والخشايف
تترشَّف سلسبيل
أنا دموعي ذرايف
على وسادي هميل
ما بي ظويلٍ طايف
يتهادَن في السبيل
بي حلوين الوصايف
بي مزيونٍ اصيل
راعي الجمال النايف
يا ليته هب جميل