شرتاً مَ اطيَب نشرها
يتخللها كنيفْ
احيا هايف زهرها
وادعَى غِدِره تزيف
وابهج قلبك نظرها
حسن وجَوٍّ لطيف
في بقعةٍ مَ اخْيَرها
ما تعادلها جنيف
بآحدّد لك مقرها
شماليّ النّييف
بَقْطِف يانِع ثِمرْها
لو شي حقّ ونصيف
من لي عينه سحرها
يدْعي العاجل خفيف
سِرْت اسبح في بحرها
واغْرِجْت دون السيف
لو شَمّ من مِنْحَرْها
راعي عوقٍ تليف
لي مِيِّسْ من بصرها
برَّقْ لو هو كفيف
أحمد يشكو كدرها
نفسٍ تَبْكِي الوليف
كثر الولَه غَثْبَرْها
يبغيني له سعيف
روحي زايد ضِرَرْها
مَ ادري خلاصي كيف؟!