تزهو وتسمو بك حروف القصايدْ
ويا حظّ شِعْرٍ فاز معناه بِرْضاك
لو بآتخيّر لك كرام الفرايد
من المشاعر ما توفّي مزاياك
يا محمد المكتوم روح النشايد
بك تقتبس وَمْضة ضيا من سجاياك
نفخر بفعلك واللّيالي شهايد
يا نورنا يا بدرنا لا عدمناك
لك في سداد الراي أسمى العوايد
همّتك تبني بك حضارات واملاك
وعيناك في كسب المعالي سهايد
مثل الزّواهر في مدارات الافلاك
طلعة محيّاك الكريمه فوايد
لاهل الوطن واللي يعيشون بِحْماك
عليك عيد الفطر بالخير عايد
واعياد دارك بك مسرّات وابراك