دَنَّقْ وْدَنَّقْ قَلْبي وْيَاه
فَزّ وقِعَدْ قَلْبي مَحَلَّه
الشَّمْس تَشْرِقْ مِنْ محَيَّاه
وِبْدور وِبْروقْ وْأهِلَّه
اخضَعْ واحَازي بِهْ مْحَازاه
وأقُوم بالْمَايوبْ كِلّهْ
غَالي ولِهْ فِيْ القَلْب مِدْرَاه
تَعْبَان قَلْبي فِيْ حِوَل لِهْ
أصَاصِرَهِ لَوّ مَا حَّدْ حْذَاه
وَاَغِضّ صوتِي خَاضِعٍ لِهْ
جِسْمِي نِحِيلْ ووَّنْتِي آه
وِالدَّمعْ كَمْ عيني تِهِلّه
أسألْ عَنه لَي دَايمْ وْيَاه
واطَالْعَه مْطَالَعْ الاهِلَّه
مَايْ الْملاحَةْ زِدْ لِمْيَاه
أفَضِّلَه عَلَى الْمَايْ كِلَّهْ
يسَجْي الْجَمَالْ الْبَاهِرْ وْيَاه
حَبْتِين خَالْ وْوَردْ فِلَّه
الرِّيفْ سَلْتَه عِنْد مِلْفَاه
عَنْ حَالْ مِنْ روحي فِدَى لِهْ
قَالْ: اطْمِئِنْ مَنْوَاكْ مَنْوَاه
لا تِسْتِمِعْ قُولْ المْجلَّة
الدّينْ مَا لِهْ غِير مَدَّاه
والخِلْ مَا لِهْ غِيرْ خِلَّه
اطفِيتْ نَارْ الصَّبْ بِحْشَاه
لِكْ مَا حِوَتْ يَمْنَايْ شِلَّه
أسألْ وْبَسْأَلْ عَمَّنْ أهْوَاه
يْعِلِّنَا نِلْقَى ذِكِرْ لِهْ
لِهْ لِهْ مَعي فِيْ القَلْب مِلْيَاه
وْلَي لَي مَعَهْ لَي غِبْتْ خِلَّه
عَلَى جِفَا خِلاَّنَه إشْ يَاه
والصدّ مِنْهمْ مِنْ يحلَّه
والْوَصْلْ مِنْكمْ لا عدَمْنَاه
يَا نَافِلٍ بالْحِسِنْ كِلِّه