ثلج الدِفا في حضرتك يغشاني
و انا صريعة خافقك من يومي
لا بحر منك ولا فضا يملاني
لو نفترق يمسي الهوى معدومي
ودي تغوص بعالمي لِالثاني
سَبق إكتشافي لك وكل اهمومي
يمكن تِلاقي قلب حيل ايعاني
طبطب على كله ولِم اعزومي
هاذي انا ياما الهوى ارداني
و ياما غدا وجدي معه مظلومي
لا لي يراعي ولا لكثر احزاني
و لا تهزه دمعتي واعلومي
ولا عاد يسوى شَي كل شي فاني
حتى ولو عاش الوفا مكتومي
هذا نصيبه والنصيب أغواني
لأرضن بها طيب الثمر مسمومي
تبذر بها وكل البذر ذبلاني
و لا أثمرت تعصف بها لغيومي
واليوم شفتك والرجا وداني
جنب الإشارة والطريق اعمومي
زحمة مشاعر،، يمها خلاني
فيها التقينا،، والهوى ملمومي
لو كان حلمٍ زاهيٍ بألواني
خلاص انا بحيا بجوف احلومي