لا تسجنوني تراني فالسجون انقهر
فكو سراحي وابعطيكم جزيل العلوم
في بوتقة فكري الأشياء ما تنصهر
إلا إذا الطير في عال الخضيرا يحوم
وألا أتركوني على مرقابي المُشتهر
يمين واد الحويه في قرار الحزوم
حتى ليا جاني الهاجوس معه أدهر
أعطيه جوّه ولا أخشى لو أشقّ الهدوم
وإن صحت بالصوت وألا جفن عيني سهر
ما خاف شرهة رفيق ولا عذولٍ يلوم
مار احفظوا جملتين لوقتنا المزدهر
عشان ما طووول الموضوع على العموم
وجه الزمان الغريب العابس المكفهر
يكفي عن السجن وأحياناً يسد اللزوم