القصيد شعور يسكن في حشاي
وانتي صرتي للقصايد تلهمين
يا نسيم الليل في دوحة سماي
هبي ب شوق اللقى لو تسمحين
طشي الأشواق في غبّة بلاي
وطوفي ب كعبة هيام العاشقين
انعشي كل المعاني في لقاي
من رحيق زهور ورد الياسمين
اذكريني واذكري ذمة وفاي
واذكري وعدآ قطعته من سنين
اعرف إنك بالهوى صرتي هواي
أتنفس من وصالك أوكسجين
أشهقك ما بين نوته وبين ناي
وأزفرك تنهيدةٍ الجرح الدفين
من هيامك ما رويتك في ظماي
يا سرابٍ كل م أقرب تبعدين
عشت وحدي فالهوى منتي معاي
اكتب إحساسي شعور العابرين
وأتسائل عن شقاي وعن دواي
وأتعوذ من عيون الحاسدين
(العزوم قروم) لو خارت قواي
اتقوى وارجع.. اقوى مرتين
الخيال إحساس ما يسكن سواي
والحقيقة في قوايه تدركين
سافري للطيش جعلك من فداي
ما رجيتك من غيابك ترجعين