عذب دخيل الشوق وامطرني إجروح
عذب ترى محلى قساك وعذابك
بين الغلا والشوق مسموح مسموح
تفداك روحٍ ماسلت في غيابك
لو تفتح الصدر الشمالي على الضوح
قام الغلا حياك رحب هلابك
من عقب غيبه ماطرآ خاطري نوح
يا ارض ماشفنا مطرك وسحابك
عطشان واللهفه على دفتري بوح
بين السطور الي روت من سرابك
بسمة خفوقي ماطرا يوما تبوح
حتى تشاغب حلم نام وغفى بك
كن الظما في شوفتك حيل مشفوح
في ليل نام الشوق وليته صحى بك
شفني على كبر الآسى حيل مجروح
مامرت الامال من يم بابك
وانا على طول اللقى عايش بروح
ترجي وصالك لاقبل الليل جابك
مجروح فرقى والاسى دمع مسفوح
بعيون ترجي من ذهابك إيابك
سافر وخل القلب مدمي ومطروح
مثلي تعود غيبتك واغترابك