عذب دخيل الشوق وامطرني إجروح
عذب ترى محلى قساك وعذابك
بين الغلا والشوق ياشوق مسموح
تفداك روحٍ ماسلت في غيابك
لو تفتح الصدر الشمالي على الضوح
قام الغلا .. حياك .. رحب هلابك
من عقب غيبه ماطرآ خاطري نوح
أخايلك وأرجي مطرك وسحابك
عطشان واللهفه على دفتري بوح
بين السطور الي روت من سرابك
بسمة خفوقي ماطرا يوما تبوح
حتى تشاغب حلم نام وغفى بك
كن الظما في شوفتك حيل مشفوح
في ليل نام الشوق ليته صحى بك
شفني على كبر الآسى حيل مجروح
مامرت الامال .. من .. يم .. بابك
وانا على طول اللقى عايش بروح
ترجي وصالك لاقبل الليل جابك
سافر وخل الدمع بالخد مسفوح
مثلي تعود .. غيبتك .. واغترابك