هتفت الشعر في حضرت جناب الكاسب الخسران
وعلقته.. وقسمته.. ثلاث.. اثلاث.. منظومه
وخطيته على الناصي على القاصي بليا اثمان
تعابير القصيد اللي.. رموزه صدق محسومه
بلا ساسان والأصفر بلا قومٍ.. على الاوثان
بلا شرك العقيدة في عقول الفكر مسمومه
وذكرت السستر وتُستر فتاة الحلم للساسان
صدح به صوت حق الله على الاسلام مسلومه
وبكى حسره عليها هرمزانه والغدر عنوان
وتهاوت له عقب كل الأمان إنفوس معدومه
وترفرف به على القمه علم شاهق عليه وبان
تبادت له فتوحاتٍ.. فهارس.. فخر مرقومه
تعبت الصمت يا حرفي على اللي صار وإلا كان
علام الصمت زاد الكمت عليه نفوس مشؤومه
عجب ماهو كلام اللي تحاكا في حكي كُهان
ولاهو من كتب زردوع ولا هو جن (سجمومه)
وعلى طاري هوى زردوع ومعجم فهرس اليونان
كتبت الأفروديت إحساس وبانت حيل ملغومه
والى مني.. كتبت الجن جن الجن جن وجان
تراقص جن زردوعه سِمل.. بجداد.. ملضومه
بدايع.. شاعرآ.. عانق.. بديعاته.. بلا غلمان
يخالف قول أبو نواس.. ويكره ناس مذمومه
عليه الفكر.. لا غنى.. ثقافة.. شاعر الأوزان
على بحر الطويل إيهيم ليل الشعر وإنجومه
ابد ماهي.. تخاريفٍ.. كتبتها.. شاعرآ فنان
رموز الفتنة.. الخرسة.. تراقب حزة القومة