الليلة الهوجاس ولع ضرايمه
على سهير الليل لا اسدل عتايمه
جيته اسوق من الجزايل بدايعي
مقدام ما هدت ظروفه عزايمه
عقب البطا جيته من الشوق منبهر
لو زاد جور.. اللي تزايد ظلايمه
الدرة اللي بالحشا لا توهجت
تبهج فؤادً في حناياي رايمه
عذرا صغيره فالربايع تسننت
في عمرها اللي من زمانين هايمة
صدرتها للعد والعد مشربي
من عقب غيبه تممت لي تمايمه
ما تنشرى لو هو يعدد بديعها
ما خصصت للبيع لو زاد سايمه
زبرجدية وصف واندر من السحر
من منجمً بالشوف شتت وهايمة
تسمع تجاريسً بها الدق لابدا
على نحرها بيّنت.. لي وسايمة
بديعة الوصف المعتّق ليا هطل
بارد.. تعاليله.. تغني نسايمة
تضفي جديل الغيم لامن تزاحمت
ثم استهلت دهم تردف غمايمه
اقطف بها الدرّ المخبى عن الملى
لو دون فارسها تكاثر خصايمه
أهيهمها مع لافظ الليل وعبقره
لا تمتمت مرآ ينوشك سقايمه
لا علها ما تبطي اليوم حالتي..
اللي عن دروب الجديدات صايمة