بقى همه دول حبايبي!!!
ينسوك!! طب ليه ياقلبي
هوه انت نسيت هواهم
والا انت بعدت عنهم
علشان ترضى بقساهم
واللي بتشوفو منهم
لأ لأ دا كتير ياقلبي
والله كتير ياقلبي
لكن الله يكافئهم
غريبة انتي يادنيا
احترت كتير معاكي
بتضمي قلوب بتجرح
وبتمشي على هواكي
اوعي حتكوني فاكرة
ح اطمن تاني ليهم
لأ لأ دا كتير يادنيا
والله كتير يادنيا
مقدرش اسمع نداكي
اسمعني ياللي قاسي
واسمع للكلمة مني
مهما أشوف المآسي
أحسن م البعد عني
هوه اللي شوفته منك
حيغير كدب ظني
لأ لأ داكتير ياعمري
والله كتير ياعمري
دا كفايه انك ظالمني