بكره الليالي تعلمك
معنى السهر
بكره الدموع حتغرقك
زي المطر
دانا قلبي ياما
حس بندامه
لما هواك
واتحدى البشر
دلوقتي بَعدك
مرتاح في بُعدك
ماهو شاف في قُربك
كل الخطر
انا حبيتك أكتر مني
وكنت بشوفك أجمل مني
كنت باطير من فرحي وارفرف
لما الاقيك تتكلم عني
ياما اديتلك من أيامي
وكنت بشوفها شوية عليك
كنت اتمنى تعيش أحلامي
وانت معايا وفرحتي بيك
أما الحب اللي عندي
كان لك من غير حدود
بس انت ماشفت منك
غير هجرك والصدود
دلوقتي تشوف عمايلك
خليتني أعمل ايه
خليتني كرهت حبك
وندمت كتير عليه
خليتني ماجيبش سيرتك
أصل انت واللي زيك
واخدين الحب لعبه
ولايوم حتحسوا بيه
واسهر عد النجوم
واسهر ميت الف يوم
حتلاقي ف كل ليلة
قلبك مايدوقش نوم
وعذابك ده بإيدك
وياريت ترضى بنصيبك
وان كنت فاكرني قاسي
انت لوحدك ملوم