أفتح كتاب الذكريات
ألمح سنين عمرى إنطوت
بين صفحتين
كلمة فى قصاصة ورق مطوية
حرفين وقلب إترسم
سهم الهوى جواه
ودموع بلون الدم لسه ماجفت
وألمح بعينى وردة دبلانة
بلون خدودى اللى بهت لونهم
وبخط مايل كما التجاعيد
شاحب يالون بشرتى
جوا تصاويرى
من عطر فاح فى الكتاب
تترد فيا الروح
وألمح ف حرف المراية هناك
ضحكاية خجلانة
ياهلترا حاسة اللى جوايا؟
ياأحلى أحلى الذكريات
طعم السكات
أخد الفرح منى
دبَل ورود العمر ف بطاقتى
وبقيت بلا عنوان بلا هوية