بغنيلك..
وأصلى الفرض وأدعيلك
يفوق من كبوته نيلك
ويصحى الفجر يتوضى
ويبعت ضحكته الفضة
تقيد م الشمس قنديلك..!!
وضحكة.. لسه بنت بنوت
شقاوة ف منتهى الجبروت
بتفتح ف القلوب قنايات
تعفرت حلمنا المكبوت..!!
وتدعيلك..
يفوق من كبوته نيلك
ويصحى الفجر يتوضى
ويبعت ضحكته الفضة
تقيد م الشمس قنديلك..!!
وساندة بطن واخدانا
وبلة ريق.. معاندانا
ونفس الضحكة بتهون
علينا.. وعايشة ويانا..!!
وتدعيلك..
يفوق من كبوته نيلك
ويصحى الفجر يتوضى
ويبعت ضحكته الفضة
تقيد م الشمس قنديلك..!!