الشوق جاب المزن لديار الأحباب
وفرحة لقاء عشقه ثمنها دموعه
واللحظة اللي خلّت الشوق غلاب
أسقت عطش مشتاق وأومت بجوعه
ومن يدفعه شوقه على الوصل ما هاب
يغلق عن الضوضاء وأهلها سموعه
ارجوك لا تسأل عن العشق الأسباب
القلب بعض أحيان يجهل طبوعه
ويوم اللقاء اللي ما حسبنا له حساب
يمكن تسولف جمعته عن ربوعه
هو غاب ثم عود وانا أقول ما غاب
لو عودته يمي نتيجة للوعه
يفداه شمعٍ مشعله له ولا ذاب
ويفداه من صعّب عليه رجوعه
راجع بشوقه حي قلبه وما جاب
شوقٍ تفرّد في جنونه ونوعه
وشربت وصله لي في خمسة اكواب
بيديه واحساسه وحبه وطوعه
هي سالفة عشقٍ ومحتاجه كتاب
تكتب وانا اضمن فالتفاصيل روعه