لنا ذكر يا معطرات القصائد
تصدح بها عقب الرجال المداهيل
ولنا من البيض الفرائد فرايد
ولنا منازل في صدور المشاكيل
ولنا سجلٍ ناصعٍ في البدايد
ولنا الصحن والسيف ولنا المعاميل
وأندر فعول الطيب صارت قلايد
في سمعة تطرق سموع الحلاحيل
وحنا نغيّر كل ناقص لزايد
وحنا لنا الأولى بعرف الرياجيل
وحنا لنا الفنجال قبل الموايد
يزعج لنا من دلة ريحها هيل
وحنا لنا عقب المهيل روايد
تذبح لنا القعدان والكوم والحيل
ولنا يساق الطيب ما هو محايد
يساق لنا من كرامه وتبجيل
وحنا ما تنصب في سنعنا المصايد
ولا نلتفت للساقطة والمجاهيل
هاك الختام اللي متمم وفايد
يغنيك عن كثر الغثاء والاقاويل
اخطيت في حق اللحى والعوايد
سويت لك بيضها ونشعتها ليل