يارشه القلب بالحنه
ومتعطر بمية حب
ياساكنة النبض من جوه
وراكنة في صميم القلب
لمحت الحب علي إيدك
قمر سهران بيتهني
لمحت الكحل في عنيكي
حرس علي رمشك إستنى
يا ست الحسن في جمالك
حوريه ونزله م الجنه
ومسك العود بيتجلى
ومن حسنك بيتملى
يارشه القلب بالحنه
ياشاغلة القلب و الخلخال
علي كعبك بيتحنى
وعاملة من لنجوم عناقيد
وعلى صدرك بتدلى
يا دقة ع الوتر قلبي
بغير قلبك مايتمنى
وغير طلت عنيكي ماأشوف
ولو عمرين انا استنى
ياغنوة وشاردة في الشريان
بكل الفرحه تتغنى
يا حلم العمر
كان تايه زماني معاه
ولما لقيته عشت معاه
كأني عايشه في الجنه